Stuðningshópar

Píeta samtökin bjóða upp á stuðningshópa fyrir aðstandendur fólks í sjálfsvígshættu og aðstandendur sem misst hafa í sjálfsvígi. Hóparnir eru opnir og er öllum frjálst að mæta.
Við mælum með að liðið hafi a.m.k. 3-6 mánuðir frá því að aðstandandi missir í sjálfsvígi og þar til hann mætir í stuðningshóp. Við bendum á að aðstandendur fá allt að 5 viðtöl hjá fagaðilum Píeta. Bókun í viðtal er frá 9:00-15:00 á virkum dögum í síma: 552-2218.

Akureyrarkirkja:

Píeta samtökin bjóða upp á stuðningshóp fyrir aðstandendur sem misst hafa í sjálfsvígi. Stuðningshópurinn hittist annan mánudag í mánuði í kapellu Akureyrarkirkju kl: 20:00.

Þetta eru innihaldsríkir og styrkjandi fundir undir handleiðslu séra Hildar Eirar Bolladóttur.

Dagskrá vor 2026:
12. janúar kl. 20:00
9. febrúar kl. 20:00
9. mars kl. 20:00
13. apríl kl. 20:00

Höfuðborgarsvæðið:

Sjónarhóll:

Mæður, dætur, systur, vinkonur og makar er stuðningshópur fyrir konur sem hafa misst ástvin í sjálfsvígi.

Þetta eru innihaldsríkir og styrkjandi fundir undir handleiðslu Eddu Björgvinsdóttur og Auðar Hallgrímsdóttur. Þær hafa báðar lokið sálgæslunámi og hafa sjálfar misst í sjálfsvígi.

Fundurinn er haldinn síðasta þriðjudag í mánuði frá kl. 17-18:30 á Sjónarhóli, Háaleitisbraut 13, 108 Reykjavík í sal á jarðhæð, til vinstri.

Dagskrá vor 2026:27. janúar24. febrúar

31. mars
Aflýst 28. apríl
Aukafundur 5. maí
26. maí

Stuðningshópur Píeta fyrir mæður, kvenkyns og kvár aðstandendur fólks í sjálfsvígshættu, fólks sem hefur gert tilraun til sjálfsvígs, er með sjálfsvígshugsanir eða er talið líklegt til að gera tilraun.

Markmið hópsins er að vera jafningjastuðningur þar sem konur deila reynslu og treysta hver annarri fyrir hugsunum og líðan í aðstæðum sem virðast oft óraunverulegar og óyfirstíganlegar. Innan hópsins er öruggt rými til þess að deila reynslu sinni og upplifun með öðrum sem skilja af eigin raun, deila bjargráðum, læra hver af annarri og fá stuðning frá jafningjum sem skilja og styðja hver aðra. Einnig er faglegur stuðningur á staðnum. Þetta eru styrkjandi og innihaldsríkir fundir undir handleiðslu Lellu Erludóttur sem er PCC vottaður markþjálfi og aðstandandi einstaklings í langvarandi sjálfsvígshættu og Dóru Guðlaugu Árnadóttur sem er félagsráðgjafi Píeta.

👉Hópurinn hittist næst 10. júní, í nýju húsnæði Píeta samtakanna á Grensásvegi 11, 2. hæð. Það er gengið inn frá Skeifunni 10, þar sem Penninn verslun er.

Dagskrá vor 2026:15. apríl
29. apríl13. maí
10. júní

Vídalínskirkja: 

Feður, bræður, synir, vinir og makar. Stuðningshópur fyrir karlmenn, aðstandendur sem misst hafa í sjálfsvígi. Hópurinn hittist þriðja fimmtudag í mánuði kl:16:30-18:00 í safnaðarheimili Vídalínskirkju, Kirkjulundi 3, 210 Garðabæ.

Þetta hafa verið innihaldsríkir og styrkjandi fundir undir handleiðslu Bjarna Karlssonar en síðasta fund vetrar, fimmtudaginn 21. maí mun Vigfús Bjarni prestur og sálgætir leiða fundinn. Vigfús er einnig rithöfundur og hefur gefið út fjölda bóka um sorg og sálgæslu. Hópurinn er því í góðum höndum í fjarveru okkar ástsæla Bjarna Karlssonar.

Dagskrá vor 2026: 
22. janúar kl. 16:30
19. febrúar kl. 16:30
19. mars kl. 16:30
16. apríl kl. 16:30
21. maí kl. 16:30

Við bendum aðstandendum á að hægt er að panta viðtal í síma 552-2218 milli kl: 09:00 – 15:00 á virkum dögum sé þess þörf.
Við tökum viðtöl í Píeta skjólum okkar í Reykjavík, Ísafirði, Akureyri og á Reyðarfirði. Einnig bjóðum við uppá fjarviðtöl og Hjálparsími Píeta er opinn allan sólahringinn, alla daga ársins í síma 552-2218.