HEFUR ÞÚ ÁHYGGJUR AF EINHVERJUM?

Þakka þér fyrir að leita hjálpar fyrir einhvern sem þú þekkir, það krefst hugrekkis.

Það er vegna fólks eins og þín, sem okkur tekst að draga úr sjálfsvígum og sjálfsskaða á Íslandi.

Hefur þú áhyggjur af einhverjum í sjálfsvígshugleiðingum?

Hver sem er getur upplifað sjálfsvígshugsanir einhvern tímann á lífsleiðinni.

Þessar hugsanir geta spannað allt frá ,,hver er eiginlega tilgangurinn með þessu öllu saman?” til að ,,ég vil ekki vera hér lengur.” Innst inni vill sá eða sú sem þú hefur áhyggjur af ekki deyja, heldur einungis binda enda á sálarangistina og sársaukann.

Hvað er það í daglegu fari þessa einstaklings sem veldur áhyggjum þínum?

Hefur viðkomandi einangrað sig? Hefur persónuleikinn breyst? Er hann hlédrægari? Hefur frammistaðan breyst í skóla eða vinnu ? Er dauðinn eða tilgangsleysi lífsins aðal umræðuefnið? Hefur viðkomandi gefið í skyn að fjölskylda eða vinir væru betur sett án hans?

Ef eitthvað af ofanskráðu á við þarftu að finna út hvor viðkomandi íhugar að svipta sig lífi með því að spyrja hreint út: ,,Ertu með hugsanir um að enda lífið þitt?.”

Ekki hræðast þessa spurningu, því hvað yrði það versta sem gæti gerst?

Viðkomandi myndi annað hvort svara neitandi (og hugsanlega spyrja hvort það væri í lagi með þig?) eða játandi.

Reynslan hefur sýnt að í raun og veru léttir fólki þegar þeir heyra spurninguna. Loksins – þegar slíkar hugsanir eru komnar fram í dagsljósið – getur viðkomandi farið að deila angist sinni með öðrum.

Svari viðkomandi neitandi, máttu til með að segja að þú hafir verið áhyggjufull (-ur) því hann hafi hagað sér öðruvísi en venjulega undanfarið… Spurðu hvort þú megir hjálpa á einhvern hátt. Kannski er viðkomandi langt niðri, hefur misst vinnuna, er nýkominn úr brotnu sambandi eða hefur fallið á prófi.

Það sem viðkomandi er í mestri þörf fyrir núna er að heyra að einhverjum þykir vænt um hann og sé að bjóða fram stuðning sinn.

Svari viðkomandi játandi, er skiljanlegt að þú fyllist hræðslu og vitir ekki hvað gera skuli næst.

En næsta skef er mjög einfalt: Þú segir að þú ætlir að útvega hjálp. Þó svo að viðkomandi hafi talað við þig í hreinskilni – þá er líf hans ekki á þína ábyrgð – mundu það! Hins vegar er það á þína ábyrgð að finna viðeigandi hjálp. Þetta felur í sér að virkja stuðningsnet viðkomandi (fjölskyldu, vini) og leita að faglegri aðstoð.  Það stendur engin einn undir svo þungri byrði. Sértu beðinn um að segja engum frá, þá geturðu ekki samþykkt það.  Þú ert aldrei bundinn trúnaði við einhvern sem er í lífshættu.  þú getur reynt að fá viðkomandi til að ræða við einhverja aðra utanaðkomandi eða biðja um leyfi til að þú megir tala við einhvern.

Næsta skref er að hringja í Píeta samtökin og fá ráðleggingar.

Hræðist þú að einhver muni valda sjálfum sér skaða?

Hafir þú þessar áhyggjur, er ekki víst að þú áttir þig á því að fyrir mörgum er sjálfsskaði leið til að takast á við lífið eða að tjá vanlíðan sína. Líklegast er að sjálfsskaði þeirra sé ekki sjálfsvígstilraun.

Nú þegar þú hefur áttað þig á að þetta eigi við í þínu tilfelli, eru komin í smá vandræði.

Í fyrsta lagi: Er hér um barn eða fullorðinn að ræða, vin eða starfsfélaga? Nálgunin fer eftir þessu. Mikilvægast er að þú vitir að þessi hegðun hefur verið haldið leyndri þar sem viðkomandi skammast sín svo mikið fyrir hana. Þess vegna reynum við ekki að grafast fyrir um ástæðurnar.

Í öðru lagi þarfnast þú skilnings á því að sjálfsskaði snýst um tjáningu – viðkomandi er ófær um að tjá vanlíðan sína munnlega og er einungis fær um að tjá þær líkamlega. Fyrir marga sem þannig er ástatt fyrir, er það stundum auðveldara að einbeita sér að líkamlegum frekar en andlegum sársauka. Talaðu við viðkomandi.

Byrjaðu á að segja: ,,Ég veit að þú skaðar sjálfan þig og mig langar til að hjálpa þér”.

Deila á:

Facebook
Twitter

Prenta:

Hafðu samband við PÍETA SAMTÖKIN | Sími: 552 2218 | Baldursgötu 7 | pieta@pieta.is

Píeta Ísland kt. 410416-0690 Reikningsnúmer 0301-26-041041