Málþing og kyrrðarstund

Þann 10. september næstkomandi verður haldið málþing og kyrrðarstund í tilefni af Alþjóðlegum forvarnardegi sjálfsvíga í húsakynnum Decode við Sturlugötu 8, kl. 15-17

Málþing: Staldraðu við – Stöndum saman gegn sjálfsvígum

Dagskráin er sem hér segir:
15.00 Ávarp fundarstjóra
Einar Þór Jónsson, formaður Geðhjálpar

15.10 Aðgerðaráætlun til að fækka sjálfsvígum á Íslandi.
Alma Möller, landlæknir, fjallar um stöðu og næstu skref.

15.30 Öryggisvegferð geðsviðs: Nýtt verklag við mat og viðbrögð við sjálfsvígshættu.
Berglind Guðmundsdóttir, yfirsálfræðingur á geðsviði LSH

Kaffi og kleinur.

16.10 Hvernig getur þú veitt syrgjendum umhyggju og stuðning?Sr. Halldór Reynisson frá Nýrri dögun, stuðningi í sorg.

16.30 Tían, taktu skrefið.
Fulltrúar Útmeða kynna og sýna sýnishorn stuttra myndbanda úr nýju geðræktarátaki Útmeða fyrir ungt fólk.

16:50 Samantekt.

17.00 Lok

Kyrrðarstundir

Kyrrðarstundir í minningu þeirra sem fallið hafa fyrir eigin hendi verða haldnar í Dómkirkjunni í Reykjavík kl. 20, í Sandgerðiskirkju (safnaðarheimili) á Suðurnesjum kl. 20; í Selfosskirkju kl. 20 í samvinnu við Hveragerðis- og Eyrarbakkaprestaköll; Í Egilsstaðakirkju kl. 20 og í Glerárkirkju á Akureyri einnig kl. 20.

Samverur þessar eru hugsaðar fyrir öll þau sem eiga um sárt að binda vegna sjálfsvíga. Allir eru velkomnir á viðburðina og er aðgangur ókeypis.

Dagskrá kyrrðarstundar í Dómkirkjunni þann 10. september kl.20:
Hrönn Harðardóttir geðhjúkrunarfræðingur leiðir stundina
Sr. Bjarni Karlsson flytur hugvekju
Bubbi Morthens syngur nokkur lög
Sara Óskarsdóttir, aðstandandi, segir frá reynslu sinni af því að missa móður sína í sjálfsvígi
Kveikt verður á kertum í minningu þeirra sem fallið hafa fyrir eigin hendi
Ólafur Elíasson organisti flytur hugljúfa tóna í upphafi og lok kyrrðarstundar

Eftirtaldir aðilar standa að dagskránni:

  • Embætti landlæknis
  • Geðhjálp
  • Heilsugæsla höfuðborgarsvæðisins
  • Landspítalinn – geðsvið
  • Minningarsjóður Orra Ómarssonar
  • Ný dögun, stuðningur í sorg
  • Pieta samtökin
  • Rauði krossinn
  • Þjóðkirkjan